Украина қарулы күштері тұтас беларусь халқын бірлікке шақырып, айтақ пен арандатуға жол бермей, бейбітшілікті сақтауға үндеді. Беларусь билігінің Ресей билігінің ығына жығылып, Украинаға қырын қарап отырғанын айыптады, деп хабарлайды "Адырна" ұлттық порталы.
"Біз ортақ тарихымызда талай рет жауды ойсырата жеңдік, бір-бірімізге сүйеу болып, ашық аспан астында өмір сүрдік. Бүгінгі сіздің билігіңіз бейбітсүйгіш беларусь халқын сорақы соғысқа араластырып, қанға бөктірмекші... Көрші отырған сіздердің елдеріңізде астыртын мобилизация жүріп жатыр. Берілмеңіздер! Украина ешқашан Беларусь мемлекетіне қырын қарап, қырғи қабақ танытқан емес!" - делінген видео-үндеуде.
"Адырна" ұлттық порталы
