Прокурорлар Маңғыстау облысындағы мектептерде жалған диплом пайдаланудың тоғыз дерегін анықтады, деп хабарлайды “Адырна” ұлттық порталы.
Мысалы, Қарақия ауданындағы Аққұдық орта мектебінде еңбек пәнінің мұғалімі жалған дипломмен жұмыс істеген. Ол Қазақстан Республикасы Қылмыстық кодексінің 385-бабының 3-бөлігі ("Көрінеу жалған құжат пайдалану") бойынша қылмыстық жауапкершілікке тартылған.
"Ұқсас деректер Ақтау қаласындағы екі мектепте (қазақ тілі мен қазақ әдебиеті), Жаңаөзен қаласындағы үш мектепте (орыс тілі, бастауыш сынып мұғалімі), Мұнайлы ауданындағы екі мектепте (бастауыш сынып мұғалімдері), Бейнеу ауданындағы бір мектепте (бастауыш сынып мұғалімі) анықталды. Оларға қатысты соталды тергеу амалдары басталды", - делінген хабарламада.
”Адырна” ұлттық порталы
