Home » ايدارلار » ادىرناما » قاراتوبەلىك جاس ۇستازدار الەۋمەتتەندىرۋ جوباسىمەن تانىستى

قاراتوبەلىك جاس ۇستازدار الەۋمەتتەندىرۋ جوباسىمەن تانىستى

4 قازان كۇنى مۇحيت اتىنداعى جالپى ورتا ءبىلىم بەرەتىن مەكتەبىندە قازاقستان رەسپۋبليكاسىنىڭ قوعامدىق دامۋ مينيسترلىگى مەن «ازاماتتىق باستامالاردى قولداۋ ورتالىعىنىڭ» قولداۋىمەن باتىس قازاقستان وبلىسى بويىنشا ىسكە قوسىلىپ جاتقان جاستاردى الەۋمەتتەندىرۋ جوباسى اياسىندا، «ادىرنا» ۇلتتىق-ەتنوگرافيالىق بىرلەستىگىنىڭ وكىلدەرى جوبانى جۇزەگە اسىرۋ ماقساتىندا مۇعالىمدەرمەن سەمينار-ترەنينگ وتكىزدى. سەمينار-ترەنينگ جاستاردىڭ رۋحاني، الەۋمەتتىك، زياتكەرلىك، فيزيكالىق جانە جەكە دامۋىنا جاعداي جاساۋ باعىتىندا جانە نە ساباق وقىمايتىن، نە جۇمىس ىستەمەيتىن، نە ترەنينگكە قاتىسپايتىن، بەلسەندىلىگى تومەن جاستاردىڭ قاتارىن ازايتۋ ماقساتىندا ءوتتى.

ترەنينگتە ءسوز سويلەگەن «ادىرنا» ۇلتتىق-ەتنوگرافيالىق بىرلەستىگىنىڭ ديرەكتورى ارمان اۋباكىر:

– جاستاردى الەۋمەتتەندىرۋ دەگەنىمىز – شىعارماشىلىق، سپورتتىق، اكەري-پاتريوتتىق، زياتكەرلىك، قوعامدىق بەلسەندىلىك، ۇلتتىق قۇنىدىلىقتاردى تانۋ، ءوز-ءوزىن باعالاۋ تۇرعىسىنان جاس تولقىننىڭ بولاشاق تۇلعا رەتىندە قالىپتاسۋىنا جالپى جاعداي جاساۋ. ءاربىر بالانىڭ دامۋى – ەڭ اۋەلى ونىڭ ءوز-وزىنە دەگەن سەنىمدىلىگىن ارتتىرۋمەن تىكەلەي بايلانىستى. اباي اتامىز ايتادى «جۇرەكتە وتى جوق ادامدا مي بولماس» دەپ. راسىندا، جۇرەكتە وتى بار بالا كەز كەلگەن قيىندىقتى جەڭىپ شىعادى، بيىك اسۋلاردى باعىندىرادى. سول جۇرەكتەگى وت ۇشقىنىن دارىتاتىن – وتباسىندا اتا-انا، مەكتەپتە ۇستازدار قاۋىمى، — دەدى.

ودان سوڭ ءسوز العان بىرلەستىكتىڭ وبلىسىمىزداعى جوبالىق مەنەدجەرى نۇرلان ءسادىر جوباعا 14-17 جاس ارالىعىندا جاستار «ۇلتتىق قۇندىلىق»، «ەرىكتىلىكپەن الەۋمەتتىك بەلسەندىلىك»، «اسەكەري پاتريوتتىق»، «شىعارماشىلىق»، «زياتكەرلىك»، «سپورتتىق» سىندى التى باعىت بويىنشا بايقاۋعا قاتىسا الاتىنىن، جوبا ارقىلى جاستاردى موتيۆاتسيالاۋ جۇيەسى ارقىلى الەۋمەتتەندىرۋ، ازاماتتىق جاۋاپكەرشىلىگىن دامىتۋ، بارلىق ساناتتارىنىڭ (اۋىلدىق، بەلسەندى ەمەس، مارگينالدى جانە ت. ب.) الەۋمەتتىك ينكليۋزياسىن قامتاماسىز ەتۋ سىندى مىندەتتەردى جۇزەگە اسىرۋ بولىپ تابىلاتىنىن ايتتى. سەمينار سوڭىندا قاتىسۋشىلارعا ارنايى سەرتيفيكاتتار مەن العىسحاتتار تابىستالدى. 


رايىمبەك اباەۆ،

قاراتوبە اۋدانى

http://www.karatobeoniri.kz/?p=9001

پىكىر جازۋ

پوچتا جاريالانبايدى. تاڭداۋلى ءورىستى تولتىرىڭىز *

*

x

Check Also

بايگە! بايگە! بايگە! “تۋعان جەر” شىعارماشىلىق بايقاۋىنا قاتىسۋعا شاقىرامىز!

  «تۋعان جەر» شىعارماشىلىق بايقاۋىنىڭ  ەرەجەسى   بايقاۋدىڭ ماقساتى – جاستاردىڭ پاتريوتتىق شىعارماشىلىعىن دامىتۋ. بايقاۋدىڭ ...