Алматыда "Студенттер қатарына қабылдау" кешінің соңы жаппай төбелеске ұласты, деп жазады "Адырна" ұлттық порталы.
Алматы қалалық Полиция департаментінің хабарлауынша, жәбірленушілер мен зардап шеккендер жоқ.
«Бұл дерек ҚР ҚК-нің 293-бабы (Бұзақылық) бойынша сотқа дейінгі тергеудің бірыңғай тізіліміне тіркелді. Төбелеске қатысушылардың әрқайсысы анықталып, қолданыстағы заңнамаға сәйкес жауапкершілікке тартылатын болады. Олардың әрқайсысының әрекетіне тергеу тарапынан құқықтық баға беріледі», – деді Бостандық аудандық Полиция басқармасының бастығы Думан Аухадиев.
"Адырна" ұлттық порталы
