Қазақстандық боксшы Әли Ахмедов америкалық Габриэль Росадоны жеңді, деп хабарлайды “Адырна” ұлттық порталы.
Кездесу Лас-Вегаста Геннадий Головкин мен Сауль Альварес жекпе-жегінің андеркардында өтті. Боксшылар екінші орта салмақта жұдырықтасты. Кездесу 10 раундқа созылып, Ахмедов төрешілер шешімімен жеңіске жетті.
Ахмедов екінші орта салмақтағы WBC Silver мен IBF Солтүстік Америка чемпионы белбеуін иеленді. Ол карьерасында 19-жеңісіне қол жеткізіп отыр, бір мәрте жеңіліп қалған.
Ал Росадо 16-рет жеңіліп отыр, одан бөлек еншісінде 26 жеңіс пен бір тең нәтиже бар. Росадо 2013 жылы Головкиннен техникалық нокаутпен жеңілген болатын.
“Адырна” ұлттық порталы
