Бүгін Алматыда «Қазпоштаның» жүзге жуық қызметкері наразылық акциясына шықты, деп хабарлайды «Адырна» тілшісі.
Олар жалақыны өсіріп, еңбек жағдайын жақсартуды талап етіп отыр.
«Жалақымыз небәрі 110-120 мың теңгені құрайды. Кейбіреулерінікі 70 мың теңгеден аз. Бұл өмір сүру үшін жеткіліксіз. Арамызда жалғызбасты аналар бар. Біз
мемлекеттік әлеуметтік пакеттен де қағылдық»,—дейді олар.
Айта кетейік, Қазпошта қызметкерлері алғашқы ереуілді наурыз айында ұйымдастырған еді. Алайда басшылық мәселені әлі күнге дейін шешпеген.
