Қырғыз депутаты Нұржігіт Қадырбеков Жогорку Кенеш отырысында заңға өлім жазасын енгізуді ұсынды, деп хабарлайды «Адырна» тілшісі.
«Жазаның бұл түрін алып тастағандықтан, адам өлтіретіндер көбейіп келеді. Жемқорлық бар елде ешкім түрмеден қорықпайды. Сол себепті өлім жазасын енгізу керек. Бүгін олар 15 жылға бас бостандығынан айырылады, ал үш жылдан кейін еркіндікте өз қалауын істеп жүреді»,—деді депутат.
Оның әріптесі Марлен Маматалиев өлім жазасын енгізу үшін Конституцияны өзгерту қажет екенін еске салды. Айтуынша, оған 300 мың қырғызстандықтың қолы керек.
