"Igilik Park" тұрғын үй кешені инфрақұрылыммен қамтылуда

1925
Adyrna.kz Telegram

Шымкент қаласының әкімі Мұрат Әйтенов инженерлік инфрақұрылым құрылысы жүріп жатқан "Igilik Park" тұрғын үй кешеніне барып, жұмыс барысымен танысты, деп жазады "Адырна" ұлттық порталы. 

Қазіргі таңда 12 000 шаршы метрлік 200 пәтерден тұратын 4 тұрғын үйге кәріз жүйесі мен су құбыры 95%-ға тартылып, электр желісі жүргізілуде.

-Халықтың сұранысы сапалы су, жарық және кәріз жүйелері. Бір рет жасалған жүйе ұзақ жылдар қызмет етуі керек. Сондықтан да сапаға аса мән беру керек"-деді қала әкімі тиісті сала өкілдерімен кездесу барысында.

Айта өтейік, "Igilik Park" кешеніндегі пәтерлерді «Өз үйім» бағдарламасы арқылы алуға болады. Өтініш беру Банктің otbasybank.kz интернет-ресурсында жүзеге асырылуда.

"Адырна" ұлттық порталы

Пікірлер