Назарбаев сайлауға қатыса алмайды – Әділет министрлігі

1015
Фото: kaztag.kz
Фото: kaztag.kz

Конституцияға енгізілген өзгерістерге сәйкес, Қазақстанның тұңғыш президенті Нұрсұлтан Назарбаев сайлауға қатыса алмайды. Бұл туралы бүгін Әділет вице-министрі Алма Мұқанова айтты, деп хабарлайды “Адырна” ұлттық порталы.

«Республикалық референдумда қабылданған түзетулерге сәйкес, бұл норма Конституциядан алынып тасталды. Онда тұңғыш президентке екі реттен артық сайлауға қатысу туралы норма қолданылмайтын. Бұл норма алынып тасталды», - деді министрдің орынбасары.

Сондай-ақ, Алма Мұқановадан журналистер «Демек, кезектен тыс өтетін президент сайлауына Қазақстанның тұңғыш президенті Нұрсұлтан Назарбаев қатыса алмайды ғой?» деп сұрады.

«Иә, тиісті норма Конституциядан алынып тасталды», - деді вице-министр.

“Адырна” ұлттық порталы

Пікірлер
Ұқсас жаңалықтар
Серіктестер/Партнеры
Студия IMA - создание сайтов Доставка цветов Астана - Lova Buket