Home » ايدارلار » ونەر » ءانشى ءمادينا ەراليەۆا تۋرالى قۇپيا اشىلدى

ءانشى ءمادينا ەراليەۆا تۋرالى قۇپيا اشىلدى

قازاقتىڭ كۇمىس كومەي ءانشىسى ءمادينا ەراليەۆا 2000 جىلى قاپيادا جول اپاتىنا ۇشىراپ، اجال قۇشقان ەدى. ءانشىنىڭ اقتىق دەمى تاۋسىلار ساتتە ول جانىندا بولعان ادامدارعا «قارارسىڭدار» دەپ، سوڭعى ءسوزىن ايتقان.

ەراليەۆانىڭ سوڭعى ءسوزى نەنى اڭعارتۋى مۇمكىن ەكەنىندىگى كوپشىلىكتى تولعاندىرعان. اقىرى ءانشى جالعىز ۇلى ارسەندى تابىستاعان بولار دەگەن بايلامعا كەلگەن، دەپ حابارلايدى KAZAKH TV.

ال جول اپاتىنىڭ سالدارىنان مەرت بولعان ءمادينا ەراليەۆانىڭ دەنەسىنە ساراپتاما جاساعان دارىگەر ماعاۋيا بوكەشوۆ 18 جىلدان كەيىن ىشتە ساقتاپ كەلگەن قۇپياسىنىڭ شەتىن اشتى.

«جۇمىس بارىسىندا ماماندىعىم  پاتولوگاناتوم بولعاندىقتان، جانسىز ءمادينانىڭ مايىتىنە مەديتسينالىق ساراپتاما جاسادىم دا، قورتىندىسىن جازعان ەدىم»،- دەيدى بايقوڭىر سوت-ساراپتاما ورتالىعىنىڭ جەتەكشىسى ماعاۋيا بوكەشوۆ.

ماعاۋيا بوكەشوۆتىڭ سوزىنشە، كۇندەلىكتى قايتىس بولعان قانشاما ادامعا ساراپتاما جاساپ جۇرسە دە، ءانشىنىڭ ءمايىتىن تەكسەرۋ بارىسىندا تاڭعالعان.

«ساراپتاما كەزىندە ءمادينانىڭ قوس وكپەسى وزگە اعزالاردان كىشكەنتاي عانا ەكەنىن كورىپ تاڭعالدىم. ءار ادامنىڭ اناتومياسى ءارتۇرلى بولاتىنى بەلگىلى عوي. مەنىڭ دارىگەر رەتىندە ايتارىم، ادەتتە انشىلەردىڭ   وكپەسىنىڭ شاعىن نەمەسە ۇلكەن بولۋى ءان ايتقانىنا بايلانىستى بولمايدى. بۇل اۋىز قۋىسىنداعى دىبىس شىعارۋ جولدارىنا قاتىستى. ساراپتاما قورتىندىسىنا «كولىك جاراقاتى» دەپ قورىتىندى جازدىم. بۇل جايت ماعان دا وڭاي تيمەدى. ءمادينانى كىم تانىمايدى دەيسىڭ؟! تۋىستارى ءمايىتىن الىپ بارا جاتقاندا ىشتەي «يماندى بولسىن» دەپ، كوز جاسىمدى سىعىپ قالا بەردىم»، – دەيدى دارىگەر ماعاۋيا بوكەشوۆ، دەپ جازدى “قازاق ءۇنى” گازەتى.

پىكىر جازۋ

پوچتا جاريالانبايدى. تاڭداۋلى ءورىستى تولتىرىڭىز *

*

x

Check Also

شقو-دا اۋقىمدى سپورت پەن ونەر فەستيۆالى باستالدى

ىرعىزباي دوسحانا ۇلىنىڭ تۋعان جەرىندە ءوتىپ جاتقان «تۇعىرى بيىك تارباعاتاي» حالىقارالىق فەستيۆالى الەمنىڭ ءار تۇكپىرىنەن كەلگەن ...