Оқу-ағарту министрі Асхат Аймағамбетов баласына мектеп формасын қанша теңгеге сатып алғанын айтты, деп жазады "Адырна" ұлттық порталы.
"35 мың теңгеге жуық ақша кетті. Костюмін алдым, шалбарын алдым, көйлегін алдым. "Glasman" деген дүкен бар. Егер сіздерге керек болса... Арнайы осы дүкенге бардым, адамдар өте көп екен. Барлығы мектептің формасын сатып алып жатыр. Кезекке тұрып, киімдерін өлшедім. Мектепке баратын бір балам бар", - деді Үкімет кулуарында Асхат Аймағамбетов.
