Әлемге әйгілі әнші Димаш Құдайбергеннің қазақ тіліне жанашырлық танытып, ана тілімізді құрметтеуді үйренейік деп үндеу жасаған видеосы әлеуметтік желілерде тарап кетті, деп хабарлайды «Адырна» ұлттық порталы.
Бұл үндеу бейнематериал You Tube желісіне 7 ай бұрын жүктелген екен.
"Құрметті Отандастар, жерлестер! Бүгінгі көріп отырған бағдарламаларыңыз тіл мәселесі төңірегіндегі тақырыпты қозғағаны ерекше қуантты. Неге десеңіз, қаны қазақ, жаны қазақ азамат ретінде, патриот есебінде менің үлкен жүрек қалауларымның бірі еліміздің барлық азамат-азаматшалары өзіміздің ана тілімізде яғни қазақ тілінде таза, емін-еркін, әдеби нормаға сай сөйлесе керемет емес пе?
«Ана тілің арың бұл,
Ұятың боп тұр бетте.
Өзге тілдің бәрін біл,
Өз тіліңді құрметте»,- деген асыл сөз бар емес пе?
Әлем елдері өз тілдерін жақсы көріп, қатты құрметтейді ғой...",- деп айтты Димаш Құдайберген.
"Адырна" ұлттық порталы
