Қазақстан Президенті Қасым-Жомарт Тоқаев Бибісара Асаубаеваны құттықтады. Бұл туралы Ақорда жариялады, деп хабарлайды “Адырна” ұлттық порталы.
«Бибісара Асаубаева толағай табысқа қол жеткізді. ФИДЕ қазақстандық дарынды қызды Азияның үздік шахматшысы деп таныды. Қазақстан шахматшыларына үнемі қолдау көрсетіп келе жатқан Президент Қасым-Жомарт Тоқаев бұл жаңалықты назардан тыс қалдырған жоқ. Ол Бибісараны құттықтап, жаңа жетістіктер тіледі», – деп жазылған хабарламада.
Айта кетейік, әлем чемпионы, қазақстандық шахматшы Бибісара Асаубаева Азияның үздік шахматшысы атанды.
“Адырна” ұлттық порталы
