Бүгін 10 жылға сотталған Атырау облысы әкімінің экс-орынбасары Нұрлан Таубаевтың апелляциялық шағымын қараған алғашқы отырыс өтті, деп жазады "Адырна" ұлтық порталы.
"Ақ жайық" басылымының хабарлауынша, бұрынғы үкіммен Таубаев қана емес, жазаны күшейтуді сұраған айыптаушы тарап та келіспей отыр. Бірінші отырыста Атырау облыстық сотының Қылмыстық істер жөніндегі сот алқасы құрамында Дина Тұхфатова, Бағила Нұржанова және төраға Раиса Аққұлова тараптардың өтініштерін қарады. Таубаевтың адвокаты Руслан Сағымбаевтың өткен сот отырысының аудио-бейне жазбаларымен танысуға уақыт беру туралы өтініші қанағаттандырылды.
Сот отырысы 15 тамызға қалдырылды.
"Адырна" ұлттық порталы
