Мемлекеттен 62 киножобаны қаржыландыруға 5,6 млрд теңгеден астам қаржы бөлінді, деп хабарлайды “Адырна” ұлттық порталы.
"Ұлттық киноны қолдау мемлекеттік орталығы" Басқарма төрағасының орынбасары Бауыржан Шөкенов 18 толық метражды, 19 деректі, 17 қысқа метражды және 8 анимациялық фильм қаржыландырылатынын мәлімдеді.
"Биылғы жылы мемлекеттік қаржыландыру сомасы 5,6 млрд теңгеден асты. Әлеуметтік маңызы бар, соның ішінде анимациялық фильмдерге 4,95 млрд теңге жұмсалады. "Дебют" санаты бойынша фильмдерге шамамен 500 млн теңге, көпшілік көрермен аудиториясына арналған фильмдерге тағы 129,5 млн теңге және бірлескен өндіріс фильмдеріне 25 млн теңге бағытталады", - деді Бауыржан Шөкенов.
“Адырна” ұлттық порталы
