Жедел жәрдем көлігі апатқа ұшырап, фельдшер қаза тапты. Бұл туралы "Адырна" ұлттық порталы хабарлайды.
Оқиға Қостанай облысында Торғай-Арқалық тас жолындағы Байғабыл ауылының тұсында болған.
Chevrolet Niva жүргізушісі қосалқы жолдан басты жолға шыға бергенде жедел жәрдем көлігіне соғылған. 53 жастағы фельдшер әйел ауыр жарақатынан ауруханада қайтыс болды.
Сараптама нәтижесінде Chevrolet Niva көлігінің жүргізушісі ішімдік ішкені анықталды. Қазір ол қамауда.
"Адырна" ұлттық порталы
