Бұқтырма су қоймасында дауыл салдарынан суға батып бара жатқан катердегі 24 адам құтқарылды, деп хабарлайды «Адырна» тілшісі.
ШҚО Төтенше жағдайлар қызметінің мәлімдеуінше, оқыс оқиға 17 шілде күні сағат 19:00 шамасында болған.
«20 м/с-қа жеткен қатты желдің салдарынан боран соғып, жолаушылар суға батып кете жаздады. Бортта 24 адам болды.
Адамдарды құтқару үшін экипаж мүшелері құтқару плотын іске қосты. Жолаушылар, оның ішінде тоғыз бала жағаға аман-есен жеткізілді»,– деп түсіндірді ведомство.
<
