Сыбайлас жемқорлыққа қатысы бар деген күдікпен 2010 жылдан бастап халықаралық іздеуде жүрген Болат Алтынбеков ұсталды, деп жазады "Адырна" ұлттық порталы. Бұл туралы Сыбайлас жемқорлыққа қарсы іс-қимыл агенттігі хабарлады.
"Халықаралық ынтымақтастық шеңберіндегі жедел-іздестіру іс-шараларының нәтижесінде Ресейдің құқық қорғау органдары сыбайлас жемқорлыққа қарсы қызметпен және ҚР ІІМ Интерполмен бірлесіп, Мәскеу қаласында Алтынбековті ұстап, қамауға алды, - деп жазылған хабарламада.
Тергеу органдарынан жасырыну үшін Болат Алтынбеков өзінің тегін "Алшер" деп өзгерткен. Қазіргі уақытта оны Қазақстанға экстрадициялау рәсімі басталған.
"Адырна" ұлттық порталы
