Мәдениет және спорт министрі Дәурен Абаев журналист Нартай Аралбайұлының youtube-арнасына сұхбат берді, деп хабарлайды “Адырна” ұлттық порталы.
Сұхбат барысында экс-президент Нұрсұлтан Назарбаев туралы да сөз етілді. Азат Перуашевтің Назарбаевты жақтап біресе даттағанына көзқарасы сұралды.
«Ол бізге ғана тән нәрсе емес. Адам кетсе, жұмыстан қайтса күйіп жүрген азаматтар бар, олар өз пікірін айтады. Ол әсіресе қаңтар оқиғасына да байланысты нәрсе деп ойлаймын. Адамның эмоциялары білінеді. Бірақ бір нәрсені ұмытпауымыз керек. Ол кісі 30 жылға жуық елімізді басқарды. Нұрсұлтан Әбішұлы – үлкен тұлға. Мемлекетімізге қандай жұмыс жасағанын бәрі біледі. Оның бәрі өтті. Мысалы, оның саяси оппоненттері де оны мойындайды. Елге қызмет еткенін. Сол тұрғыдан ойлау керек деп ойлаймын», – дейді Абаев.
“Адырна” ұлттық порталы
