Қызылорда облысының әкімі Нұрлыбек Нәлібаев балалар жылына тарту ретінде Сыр өңірінде кәсіпкерлердің демеушілігімен аймақта 80-ге жуық спорт-ойын алаңы салынатынын жеткізген еді. Оның Қызылорда қаласында 50-і, аудандарда 30-ы бой көтереді, деп хабарлайды “Адырна” ұлттық порталы.
Бүгінде игілікті іс Қызылорда қаласынан бастау алды. Жергілікті кәсіпкерлер жаңадан салынатын ойын алаңдарының жеручаскелерін белгіледі. Мәселен, «Корпорация Алем-құрылыс» мекемесі «Бәйтерек» мөлтек ауданы, Бала-мекен елді мекеніндегі ойыналаңының жерін тегістеп, құрылыс-монтаж жұмыстарын жүргізуде. Бұл жұмыстар аудандар да жүргізілмек.
Еске салайық, өткен жылы 25 ойын алаңы пайдалануға берілді. Нысандар қаладағы көпқабатты тұрғын үйлердің аулаларынаорналастырылды.
Мұнан бөлек, биыл қалалық бюджеттен қалааумағына 3 ойын алаңын салу жоспарлануда. Бұл нысандарды салуда халықтың сұранысы ескеріледі.
Айта кетейік, тұрғындардың спорт нысандарына қолжетімділігін арттырумақсатында биыл облыста 7 дене шынықтыру-сауықтыру кешені пайдалануға беріледі.
”Адырна” ұлттық порталы