Қазақстанда қазан айынан бастап Орал популяциясына жататын 80 мың киікті атуға рұқсат берілмек. Бұл туралы Экология, геология және табиғи ресурстар министрі Серікқали Брекешев мәлімдеді, деп жазады "Адырна" ұлттық порталы.
«Биотехникалық-экономикалық негіздеме аяқталды. Ғалымдар киіктердің санын реттеу қажеттігін айтты. Бұл Орал популяциясына қатысты болмақ. Егер қазір ондағы киіктердің саны 800 мыңнан бас болса, онда олардың 10%-ға жуығы яғни, 80 мың бас киік атылады», – деді министр.
Оның мәлімдеуінше, елімізде киік саны 1 млн 300 мыңға жетті. Соның ішінен ғылыми зерттеулерге 500 бас киік алынып, киіктердің 10%-ын ату шаралары 1 қазаннан басталмақ.
"Адырна" ұлттық порталы
