20 маусым күні Ертіс өзенінде 1985 жылы туған ер адам жабдықталмаған жерде суға батып кетті, деп хабарлайды «Адырна» тілшісі.
«ШҚО ТЖД Жедел құтқару жасағының сүңгуірлері күшімен іздестіру жұмыстары жүргізілді. 21 маусымда 10 сағат 57 минутта іздеу тобы судан 40 метр қашықтықта, шамамен 5 метр тереңдікте мәйітті тапты. Құтқарушылар атап өткендей, су қоймасындағы бұл жер терең шұңқырлар көп болған және қауіпсіздік шараларына сай келмеген»,— делінген хабарламада.
Сонымен қатар, ТЖ қызметкерлері осы учаскеде полициямен бірлесіп тұрақты негізде рейдтер жүргізеді.
Рейдтер нәтижелері бойынша спирттік ішімдіктер ішкені үшін 440-бап бойынша 3 әкімшілік материал және әкімшілік құқық бұзушылық туралы ҚР Кодексінің 364-бабы бойынша ортақ су пайдалану қағидаларын бұзғаны үшін 10 хаттама жасалды.
