ҚР Қорғаныс министрі Руслан Жақсылықов әскерден қашатын жастарды сынға алды, деп хабарлайды «Адырна» тілшісі.
«Мемлекетті қорғау – әрбір азаматтың қасиетті борышы. 18 жасқа толғаннан кейін кез келген азамат әскери борышын өтеуге міндетті. Ал мерзімін кейінге қалдыру шешімін жергілікті әскери комиссариат қабылдайды. Бізде жастардың борышын өтеуден қашып, тығылып жүруі жиі кездеседі. Кешіріңіздер, бірақ заңды орындау керек»,– деді ол.
Министр қандай жағдайда борышын өтеу мерзімі кейінге қалдырылатынын түсіндірді.
«Егер әскери борышты кейінге қалдыруға құқыңыз болса, тиісті құжатыңызды өткізіңіз. Осылайша сіз кейінге қаласыз. Балаңыз болса я оқуға түссеңіз, осылай уақытында құжат тапсырыңыз. Біз оны уақытында берудің орнына қашып жүріміз», - деді Руслан Жақсылықов.
