Украина президенті Владимир Зеленский Telegram-арнасында саясаткерлер мен Люксембург халқына үндеу жасады, деп хабарлайды “Адырна” ұлттық порталы.
2 маусымда Владимир Зеленский Ресей Украина аумағының 20 пайызын басып алғанын айтқан болатын. Майдан сызығының ұзындығы 1000 шақырымнан асады. Сонымен қатар, Украина басшысы ресейлік әскер елдің 3 620 елді мекеніне кіріп алғанын мәлімдеді.
"125 мың шаршы шақырым дерлік. Бұл Бенилюкстің барлық елдерінің аумағынан айтарлықтай үлкен ", - деді ол.
24 ақпандағы шапқыншылыққа дейін Ресей басып алған украин жерлерінің ауданы, украиналық тараптың мәліметі бойынша, ел аумағының 7% құрады.
Украиндық Алексей Бокоч өзінің Facebook парақшасында Ресей басып алған Украина аумақтарын (бар болғаны 20 пайыздан астам) басқа еуропалық мемлекеттердің аумақтарының көлемімен салыстыратын карталарды жариялады.
"Менің еуропалық достарым саясаткерлеріңіздің мәлімдемелерін тыңдаған кезде Украинаның Ресей басып алған осы аймақтарын есте сақтап, ескеріңіздер", - деп түсіндірді Бокоч.
Картада басып алынған аумақтар Германияның жартысына жуығына, Италияның жартысына жуығына немесе Швейцария мен Австрияның қосындысына тең екенін көрсетілген.
Бокоч карталарды өзі жасағанын немесе деректерді қайдан алынғанын нақтыламады.
“Адырна” ұлттық порталы
