Уфадағы концертінен кейін Шевчуктің үстінен іс қозғалды

536
Фото: cdnn21.ru
Фото: cdnn21.ru

Юрий Шевчук Уфадағы концертте айтқан сөзінен кейін армияның беделін түсірді деп айыпталды, деп хабарлайды "Адырна" ұлттық порталы "rbc.ru" сайтына сілтеме жасап.

Уфадағы концерттен кейін қауіпсіздік күштері Юрий Шевчукпен бір сағат сөйлесті, содан кейін оған армияның беделін түсіргені үшін хаттама жасады.

ДДТ рок-тобының солисі Юрий Шевчук Уфадағы концертінен кейін әкімшілік хаттама толтырылды. Бұл туралы продюсер Радмир Усаев Instagram желісінде хабарлады (Ресейдегі Meta Platforms сервисінің иесі экстремистік ұйым деп танылып, оған тыйым салынды).

Оның айтуынша, концерт аяқталғаннан кейін құқық қорғау органдарының өкілдері сахна сыртына шығып, Шевчукті топтан "оқшаулап" алып, бір сағат бойы концерттің барысы, оның бағыты және Шевчуктің мәлімдемелері туралы әңгімелескен.

"Шевчукқа қатысты материал Башқұртстан Республикасы Уфа қаласының Совет аудандық сотына Қарулы Күштердің беделін түсіру бойынша ӘҚБтК-нің 20.3.3-бабы бойынша жіберілді. Қазіргі уақытта іс судья Егороваға берілген, сот отырысы тағайындалған жоқ", - деп хабарлады РБК-ге Башқұртстан Республикасы соттарының бірлескен баспасөз қызметі.

Бұл бап бойынша 30 мыңнан 50 мың рубльге дейін әкімшілік айыппұл қарастырылады.

Айта кету керек, концерт барысында Шевчук соғысқа қарсы үндеу жасап, "Отан" сөзін қалай түсінетінін айтқан болатын.

"Адырна" ұлттық порталы.

Пікірлер
Редакция таңдауы
Серіктестер/Партнеры
Студия IMA - создание сайтов Доставка цветов Астана - Lova Buket