Кәсіпкердің айтуынша, оған нақты құнының 3 пайызынан аспайтын жалақы төленген, деп хабарлайды "Адырна" ұлттық порталы РБК-ға сілтеме жасап.
Tinkoff Bank негізін қалаушы Олег Тиньков Украинадағы оқиғалар туралы ашық мәлімдеме жасағаннан кейін банктегі үлесін "тиынға" сатуға мәжбүр болғанын айтты. Бұл туралы кәсіпкер The New York Times басылымына берген сұхбатында айтты.
Олег Тиньковтың айтуынша, сәуірдің 20-сы күні ол әскери операцияға қарсы жазбасын жариялаған соң бір күн өткен соң Кремль өкілдері Tinkoff Bank басшылығымен байланысқа шығып, егер ол өз үлесін сатпаса, ұлттандырамыз деп қорқытқан.
"Мен саудаласа алмадым. Бұл барымтаның жағдайы - олар ұсынған нәрсені аласың, мен келісе алмадым", - дейді Олег Тиньков.
Кәсіпкер Владимир Потанин оған осы акцияның нақты құнының 3 пайызынан аспайтын соманы төлеген деп санайды.
"Адырна" ұлттық порталы
