"Заманбек принципті жігіт. Ал мына Назарбаев принципі жоқ адам екен". Бұл пікірді Заманбек Нұрқаділовтің жанында 1 жыл қызмет жасаған, Нұрсұлтан Назарбаевтың жанында 1 жыл кеңесші болған Парламент мәжілісінің бұрынғы депутаты Серік Әбдірахманов журналист Нұрсейіт Жылқышыбайдың «Уақыт көрсетеді» бағдарламасында айтты, деп жазады "Адырна" ұлттық порталы.
"Заманбек - жүрегі бар азамат. Бірақ кейбір нәрселерге тереңдей бермейді. Ол қолбасшы. Сондай ержүрек, батыр жігіт еді. Ал Назарбаев айлашыл, терең білімі жоқ. Қасқырдың түйсігі болды ма, сол жағынан келгенде өте өткір. Интуициясы өте мықты. Ана жігіт принципті жігіт, ал мына Назарбаев принципі жоқ адам екен. Халқын сатты, тонады Назарбаев. Өкінішті. Енді былай айтқанда бишара екен ғой, бишара. Тексіз екен Назарбаев", - деді Серік Әбдірахманов.
