Қарағандыда пакеттегі жаңа туған нәрестенің денесі табылды, деп хабарлайды "Адырна" ұлттық порталы.
«9 сәуірде Қарағанды Киров ПБ-не 26 жастағы қала тұрғынына хабарлама келіп түсті: гаражға іргелес аумақты тазалау кезінде ол нәрестенің денесін тауып алды. Оқиға орнына жедел-тергеу тобы келді. Дене жарақаттары жоқ жаңа туған шақалақтың денесі пакетке оралған екені анықталды», - деп хабарлады жексенбі күні Қарағанды облысының полиция департаментінің (ПД) баспасөз қызметі.
ҚР Қылмыстық кодексінің 100-бабы (жаңа туған нәрестені анасының өлтіруі) бойынша сотқа дейінгі тергеу басталды.
«Қазіргі уақытта жақын маңдағы үйлердің тұрғындарына сауалнама жүргізіліп, жаңа туған нәрестенің анасын анықтау бойынша жедел-іздестіру шаралары жүргізілуде», - деп қосты полицейлер.
"Адырна" ұллтық порталы