Алматы әуежайында шетелдіктер жалған паспортпен ұсталды. Олар Қазақстан арқылы өту үшін 10 мың долларға жалған паспорт сатып алған. Бұл туралы Ұлттық Қауіпсіздік комитеті жариялады, деп хабарлайды “Адырна”.
“6 сәуір күні Алматы қаласының әуежайында паспорттық бақылаудан өту кезінде жалған құжаттар ұсынған Орталық Азия елдерінің 4 азаматы ұсталды", - делінген ҰҚК баспасөз қызметінің хабарламасында.
Жүктерін тексеру кезінде олардың шын паспорттары табылды.
Алдын ала дерек бойынша, олар жалған құжаттарды Қазақстан Республикасы арқылы транзитпен өту үшін сатып алған. Бір жалған төлқұжаттың құны 10 мың АҚШ долларға бағаланған.
Жалған құжаттар тәркіленді. Оларды елден депортациялау мәселесі шешіліп жатыр.
“Адырна” ұлттық порталы
