Жапонияның ең ірі университеті оқу бағдарламасына Димаш Құдайбергеннің әндерін енгізді. Бұл туралы dimashnews.com сайты жариялады, деп хабарлайды “Адырна”.
Жапонияның ең ірі «The Open University of Japan» университетінде Орыс тілін үйрену бойынша жаңа курс ашылып, оқу бағдарламасына Димаш Құдайбергеннің әндерін енгізген. Атап айтқанда, студенттер "Я скучаю по тебе", "Знай" және "Любовь уставших лебедей" атты 3 әнімен танысады.
Курс бағдарламасы әр жексенбіде BS TV-де көрсетілетін 15 дәрісті қамтиды. Бұл дәрістер 3 сәуір мен 10 шілде аралығына есептелген және тек қана Жапонияда таратылады. Осы аралықта студенттер Димаштың әндерін 3 рет тыңдайды.
Айта кетейік, Чиба аймағында орналасқан "The Open University of Japan" – күншығыс елінің ең танымал университеті. Онда 80 мыңға жуық студент қашықтықтан білім алады.
“Адырна” ұлттық порталы
