Белгілі жазушы, драматург Дулат Исабековтың жары Нұрғайша Жармұқамедова өмірден өтті деп хабарлайды, "Адырна". Бұл туралы Қазыбек Иса өзінің әлеуметтік желісінде жазды.
“Екеуміз 56 жыл отасқан едік, жайымның барлығын жасайтын еді, енді менің жағдайымды кім ойлайды?!Ешқандай ауыра қоймаған еді, аяқ астынан тастап кете барды. Екеуміз биыл сексен жасымызды тойлаймыз деп, жоспарлап жүрген едік.”-деп қамығып отырған Дулат көкемізді қалай жұбатудың өзі қиын болды" деп жазды Қазыбек Иса.
"Адырна" ұжымы атынан марқұмның туыс-туғандары мен жақындарына қайғыра көңіл айтамыз!
