Балалар жазда да сабақ оқитын болды

3065
Adyrna.kz Telegram
Фото: syr-media.kz
Фото: syr-media.kz

Былтыр тәжірибе ретінде енгізілген «жазғы мектеп» биыл да жалғасады. Бұл туралы Білім және ғылым министрлігінің Мектепке дейінгі және орта білім комитеті төрайымы Гүлмира Каримова айтты, деп хабарлайды “Адырна” ұлттық порталы.

Комитет төрайымының айтуынша, жазғы мектеп пандемия кезінде оқу үлгерімі нашарлаған оқушыларға арналған.

«Жазғы мектептегі сабақ 1-8 және 10-сынып оқушылары үшін 26 мамырдан 17 маусымға дейін болады. Ал 9 және 11-сынып оқушылары сол кезде мемлекеттік емтихандар тапсырады. Жазғы мектептің мақсаты – оқу пәндері бойынша оқушылар арасындағы білім алшақтығын жою. Оқушылар өз білімін әр бағыт бойынша жетілдіріп, көтеріп алады. Әр мектеп өзіне ыңғайлап сабақ кестесін жасайды. Сабақтар ақысыз болады», – деді Гүлмира Каримова.

”Адырна” ұлттық порталы

Пікірлер