Бүгінгі қоғамда “әлеуметтік желіні шектейді” деген у-шудың шетін естіп қалып, өз пікірімді қосайын деп шештім.
Әлеуметтік желіні бұғаттауға, тіпті шектеуге қарсымын. Сөз бостандығы мен пікір алуандығы деген демократияның басты символы. Әлеуметтік желі көп адамның көзін ашты және ашып жатыр да. Фейсбук арқылы қоғам бір-біріне көмектесіп, қиыншылықта қол созып, қуанышы болса бөлісіп жатады. Сондықтан Әлеуметтік желіге тиісу - әр адамның жеке өміріне қол сұғумен тең.
Алайда, егер интернеттің зиянды сайттары мен өмірге қауіпті, радикалды, порно, экстремизм, қылмыстық сайттарды жапса, мен толық қолдаймын. Ондай сайттар жастардың миын улап, жаман жолға салуы айдан анық.
Ең дұрысы Фейсбук/Инстаграмм/ТикТок сияқты ұйымдардың филиалдарын ашу сияқты. Мысалы, Түркия, Франция, Германия сияқты елдерде айтылған әлеуметтік желілердің өкілдері сол Стамбул, Париж, Берлинде өз кеңселерін ашқан.
Дұрысы сол. Заңмен. Демократияны шектепей. Болашақ ұрпаққа қиянат жасамай дегендей …
"Адырна" ұлттық порталы
