АҚШ-тағы Техас штатының батысында 13 жастағы жасөспірім пикап көлігін басқарып келе жатып, шағын автобусқа соқтығысқан. Нәтижесінде тоғыз адам, оның ішінде студенттік гольф командасының мүшелері мен олардың жаттықтырушысы қаза тапты, деп хабарлайды «Адырна» тілшісі NBC-ке сілтеме жасап.
Оқиға бейсенбі күні болған. Агенттіктің жазуынша, жүк көлігінде жасөспіріммен бірге ересек ер адам болған.
Оқиға салдарынан команданың екі мүшесі ғана аман қалды. Олардың жағдайы ауыр.
АҚШ көлік қауіпсіздігі жөніндегі ұлттық кеңестің басшысы Брюс Ландсберг қақтығыс жоғары жылдамдықта болғанын атап өтті. Ведомство оқиғаға қатысты тергеу жүргізіп жатыр.
