Қаржы мониторингі агенттігі Қайрат Боранбаевқа қатысты істің мән-жайын ашты. Күдікті деп танылған қазақстандық кәсіпкер 2 айға қамауға алынды, деп хабарлайды "Адырна" ұлттық порталы.
"Қаржы мониторингі агенттігі квазимемлекеттік секторда аса ірі мөлшерде қаражат ұрлау фактісі бойынша қылмыстық істі тергеп жатыр. Осы қылмысты жасады деген күдікпен Қайрат Боранбаев ұсталып, уақытша ұстау изоляторына қамалды", - делінген агенттіктің Telegram-арнадағы хабарламасында.
17 наурызда Боранбаевқа қатысты сот екі ай мерзімге күзетпен ұстау түріндегі бұлтартпау шарасын санкциялады.
"Тергеу жалғасып жатыр. ҚІЖК-нің 201-бабына сәйкес тергеу мүддесі үшін басқа ақпарат жария етілмейді", - деп мәлімдеді агенттік өкілдері.
"Адырна" ұлттық порталы
