Конституциямыздың қазақ тілінде жазылған нұсқасы көптің көңілінен шықпайды. Кейбір сөз, сөйлемдері түсініксіз екенін алға тартады. Осы мәселе бойынша журналистер Әділет министрі Қанат Мусиннан жауап алды, деп хабарлайды “Адырна” ұлттық порталы.
"Әркім өзінің білімі деңгейінде пікірін айтады. Қазір заңның қазақ тіліндегі нұсқасына қатысты мәселе тұрған жоқ", – деді Мусин.
"Қазақ тіліндегі нұсқасы көңіліңізден шыға ма?", – деп сұрады журналистер.
"Қазақ тіліндегі нұсқасы орыс тіліне сай келеді", – деді Мусин.
"Ал неге ол орыс тіліне сай келуі керек?", – деп сұрады тілшілер.
"Заңның екі тілдегі нұсқасы бір мағына беруі керек", – деп жауап берді министр.
”Адырна” ұлттық порталы
