Тоқаевқа үтік сыйламақ болған Щучинск тұрғынының үстінен қылмыстық іс қозғалды

2883

Щучинск қаласының тұрғыны Мемлекет басшысы Қасым-Жомарт Тоқаевқа «Тоқаев және КО» деген жазуы бар үтік жібермек болған. Оған әлеуметтік араздықты қоздырды деген айып тағылып, қылмыстық іс қозғалды, деп хабарлайды "Адырна" ұлтттық порталы. 

13 қаңтарда Владимир Прокопьев өз Instagram парақшасында Щучинск әкімдігінің ғимаратына кірмек болғаны туралы видео жариялады. Прокопьев әкімшілік қызметкерлерімен кездесе алмай, үтікті әкімшілік ғимаратының жанына қалдырып кеткен. Кейін ол өзінің қамауға алынғанын хабарлады.

Orda.kz мәлімдеуінше, ер адамды сол күні кешке оны ҰҚК ұстап, аудандық полиция бөліміне жеткізген. Прокопьевке «әлеуметтік араздықты қоздырды» деген айып тағылып, телефоны мен SIM картасын алып кеткен. Сондай-ақ, оның үстінен жыл бойы митингіге бірнеше рет қатысқаны үшін әкімшілік хаттама толтырылды.

"Адырна" ұлттық порталы

Пікірлер
Редакция таңдауы
Серіктестер/Партнеры
Студия IMA - создание сайтов Доставка цветов Астана - Lova Buket