Ақтауда көпбалалы аналар митингке шығып бірқатар жолдарды жауып тастады. Олардың талабы тегін пәтер алу, - деп хабарлайды “Адырна” ұлттық порталы.
"Кеше, 8 ақпанда Ақтау қаласынан жалға берілетін тұрғын үй алған Жаңаөзен қаласының 30 тұрғыны облыс әкімдігіне келіп, Индустрия және инфрақұрылымдық даму министрлігіне облыс әкімдігі жазған қызметтік хаттың көшірмесін талап етті. Бұл әйелдер бұған дейін де әкімдікке келіп, қолданыстағы заңнамада қарастырылмаған жалға берілетін тұрғын үйді жекешелендіруді талап еткен. Облыс әкімінің орынбасары бұл мәселені зерделеу үшін топ өкілдерінің қатысуымен комиссия құруды ұсынды", - деді Маңғыстау облысының әкімдігі өкілдері.
“Адырна” ұлттық порталы
