Отыз жылда мемлекеттен кім медаль, орден алмады? Бірақ, сол алған марапатын қайтарып тапсырған бір қазақ жоқ деп ойлап едік.
Бар екен. Оспан батыр секілді сылдырмағын қайтарып берген, көзі тірі Естай, даусы аумаған Қали атанған, солардың үнін жалғастырушы Ербол Айтбаев мемлекеттен алған марапатын қайтарып берді. "Облысқа сіңірген еңбегі үшін" төсбелгісін облысқа қайтарып берді. Бұл қазақ әнінің осы билікке жауабы деп ұғыңыз.
P.S. Қазақ ән өнерінің профессорлары Алматы, Астанада сабақ беру керек деп жүрген Ербол Айтбаев Павлодарда Иса Байзақов атындағы облыстық филармониядан өз еркімен жұмыстан кетті.
"Адырна" ұлттық порталы
