Байденнің біліксіздігі үшінші дүниежүзілік соғысқа әкеледі - Трамп

2581
Adyrna.kz Telegram

АҚШ-тың бұрынғы президенті Дональд Трамп Техастағы Конро митингінде өз жақтастары алдында сөйлеген сөзінде қазіргі америкалық көшбасшы Джо Байден әлсіз саясаткер, оның "біліксіздігі" және "әлсіздігі" үшінші дүниежүзілік соғысқа әкеледі деп айыптады. Бұл туралы "Адырна" ұлттық порталы жазады. 

Экс-президент Байденнің Мемлекет басшысы ретінде біліксіздік көрсетіп отырғанын айтты. Трамп тиімсіз саясат жаңа соғысқа әкеледі деп мәлімдеді.

- Байденнің әлсіздігі мен қабілетсіздігі  нақты үшінші дүниежүзілік соғыс қаупін тудырады, — деді ол.

Одан бөлек Трамп Байденнің президенттігі кезінде КХДР зымырандарын ұшыру саны рекордтық деңгейге көтерілгенін атап өтті. Сонымен қатар, экс-президент АҚШ әскерлерінің Ауғанстан аумағынан шығарылуының өзі әлсіз басқарылғанына жете тоқталды.

"Адырна" ұлттық порталы

Пікірлер