Бүгін Алматыда «Ұлт болмысы» журналы мен «Әдебиет порталы» бірлесіп ұйымдастырған «Ұлт болмысы» әдеби сыйлығы» байқауының салтанатты мәрапаттау рәсімі өтті.Қазылар алқасының шешімі бойынша Бас жүлдені «Түнде ұшқан қаршыға» атты шығармасымен белгілі жазушы Талғат Кеңесбаев иеленіп, автокөлік жеңіп алды.
Сонымен қатар, Проза аталымы бойынша 1-орынға Қанат ӘБІЛҚАЙЫРДЫҢ «Бабай-бүркіт» әңгімесі лайық деп танылды. Жүлде қоры 500 мың теңге. 2-орынды Марат ӘЗІМХАН жеңіп алса, 3-орын Ғалым ҚАЛИБЕКҰЛЫНА бұйырды. Ынталандыру сыйлығы Бекен ЫБРАЙЫМҒА берілсе, Әлихан БӨКЕЙХАН атындағы сыйлық Ерболат БАЯТҰЛЫНА бұйырды.
ПОЭЗИЯ аталымы бойынша, 1-орынды «Ғасыр тілегі» толғауымен Г. Калидина қанжығасына байлады. 2-орынды Ақсұңқар АҚЫНБАБА иеленсе, 3-орын Дәулетберді Жекейұлына бұйырды. Ынталандыру сыйлығы Таңсәуле ӘГЕНҚЫЗЫ, Мәрлен МӘЛІКҰЛЫ. Н.Назарбаев атындағы арнай жүлде Ақсүйрік ЖҮСІПҚЫЗЫ. М.Дулатұлы атындағы арнайы жүлде Қарлығаш ХАВАЙ.
ДРАМАТУРГИЯ аталымы бойынша, 2-орын Думан РАМАЗАН. 3-орын Ақылбек ШАЯМЕТОВ. Ынталандыру сыйлығы Тұрсынәлі РЫСКЕЛДИЕВ. Қошке Кеменгерұлы атындағы арнайы жүлде Төрехан МАЙБАС.
ЖУРНАЛИСТИКА аталымында: 2-орын Заңғар КӘРІМХАН. 3-орын Марфуға ШАПИЯН. Ынталандыру сыйлығы Алтынбек ҚҰМЫРЗАҚ, Бауыржан СЕГІЗБАЕВ, Айдын РЫСБЕКҰЛЫ. Ахмет БАЙТҰРСЫНҰЛЫ атындағы арнайы жүлде Қанат ЖАНАШҰЛЫна берілді.
Adebiportal.kz
