Ресей Қырғызстанға АЭС салатын болды

926

Ресейлік корпорация Қырғызстанда қуаттылығы аз АЭС салумен қатар, ядролық инфрақұрылымды да дамытуды көздеп отыр, деп хабарлайды “Адырна” ұлттық порталы. 

Ресейдің «Росатом» мемлекеттік корпорациясы мен Қырғызстанның Энергетика министрлігі арасында Қырғыз Республикасында қуаттылығы аз атом электр станциясын салу бойынша ынтымақтастық туралы меморандумға қол қойылды. Бұл туралы РИА Новости хабарлады.

Құжатқа «Росатом» бас директоры Алексей Лихачев пен Энергетика министрі Досқұл Бекмырзаев қол қойды. Тараптар RITM-200H реактор блогы негізінде атом электр станциясын (АЭС) салуға мүдделі. Меморандумда сонымен қатар Қырғызстандағы ядролық инфрақұрылымды дамыту және атом энергиясын бейбіт мақсатта пайдалану үшін ғылыми-техникалық кадрларды даярлау мәселелері де қарастырылған.

"Бүкіл әлемде экологиялық таза энергия көздері өте маңызды. Қырғызстан бұл салада шет қалғысы келмейді. "Росатоммен" ынтымақтастық еліміздің энергетиканы, экономиканы және өнеркәсіпті дамытуға көмектеседі деп сенеміз", - деді вице-министр Тілек Айталиев.

Лихачев Қырғызстанда атом электр станциясы сияқты нысанның болуы елді электр қуаты жағынан тәуелсіз етіп қана қоймай, бүкіл Орталық Азия аймағындағы ғылыми жобалардың санын көбейтетінін айтты.

«Росатом» - 400-ге жуық ядролық компанияны қамтитын ресейлік мемлекеттік холдинг. Корпорация Ресейдегі барлық атом электр станцияларын басқарады. Холдинг уран қоры бойынша әлемде екінші орында.

“Адырна” ұлттық порталы

Пікірлер
Редакция таңдауы
Серіктестер/Партнеры
Студия IMA - создание сайтов Доставка цветов Астана - Lova Buket