Атырау қаласының әкімі Қайрат Оразбаев қызметінен босатылды, деп хабарлайды "Адырна" ұлттық порталы.
Атырау қаласы әкімінің міндетін атқарушы болып Жұмабек Қаражанов тағайындалды.
Күні кеше "Ақ Жайық" газеті: "Атырау қаласының әкімі Қайрат Оразбаевтың қаңтардың қиын күндерінде жұмыс орнында болмауы назардан тыс қалмады. "Атырауда осындай оқиғалар орын алған кезде, әкімде қандай себеп болуы мүмкін?" деген тұрғындарды сауалдар жиі қойды" -деп жазды.
Бұл сауалға қала әкімдігінің баспасөз хатшысы Нұрислам Ғұмар жауап беріпті. Оның айтуынша, Атырау әкімі 31 желтоқсанда еңбек демалысына шыққан, бірақ 10 қаңтарда жұмысқа қайта қосылуы керек болған. Ал келесі күні әкім денсаулық жағдайына байланысты демалыс алған.
"Енді жұмысқа қашан келетіні белгісіз" -деген ол.
"Адырна" ұлттық порталы.
