• Қазақ
  •   
  • Qazaq
  •   
  • قازاق
  •   
    Home » ايدارلار » ساياسات » كونستيتۋتسيالىق كەڭەس نازارباەۆتىڭ ءوتىنىشىن تالقىلاۋدا. بيلىك اۋىسا ما؟

    كونستيتۋتسيالىق كەڭەس نازارباەۆتىڭ ءوتىنىشىن تالقىلاۋدا. بيلىك اۋىسا ما؟

    بۇگىن، 7 اقپاندا پرەزيدەنت نۇرسۇلتان نازارباەۆتىڭ كونستيتۋتسيانىڭ 42-بابى 3-تارماعىن رەسمي ءتۇسىندىرۋ تۋرالى ءوتىنىشى بويىنشا كونستيتۋتسيالىق كەڭەستىڭ وتىرىسى ءوتتى. بۇل تۋرالى ۆەدومستۆونىڭ ءباسپاسوز قىزمەتىنە سىلتەمە جاساعان NUR.KZ حابارلايدى.

    قايرات ءمامي. فوتو: sud.gov.kz

    مەملەكەت باسشىسى ءوز وتىنىشىندە: “قازاقستان رەسپۋبليكاسى كونستيتۋتسياسىنىڭ 42-بابىنىڭ 3-تارماعىندا بەلگىلەنگەن قازاقستان رەسپۋبليكاسى پرەزيدەنتىنىڭ وكىلەتتىگىن مەرزىمىنەن بۇرىن توقتاتۋ ءۇشىن نەگىزدەردىڭ ءتىزىمى تولىق بولىپ سانالا ما؟” دەگەن سۇراققا جاۋاپ بەرۋدى وتىنگەن.

    ال بۇگىنگى وتىرىستا كونستيتۋتسيالىق كەڭەستىڭ توراعاسى قايرات ءمامي كەڭەستىڭ نەگىزگى زاڭعا، شەت ەل كونستيتۋتسيالارىنا جان-جاقتى تالداۋدى جانە وسى تاقىرىپ بويىنشا عىلىمي زەرتتەۋلەردىڭ ناتيجەلەرىن تالاپ ەتەتىن وتە ماڭىزدى ماسەلە بولعانىن اتاپ ءوتتى.

    كەڭەس قۇرامى ۇكىمەت وكىلدەرىنىڭ، سەناتتىڭ، پارلامەنت ءماجىلىسىنىڭ، جوعارعى سوتتىڭ، باس پروكۋراتۋرانىڭ جانە ادىلەت مينيسترلىگىنىڭ پىكىرلەرىن تىڭدادى.

    ساراپشىلار رەتىندە ەلىمىزدىڭ بەلگىلى قۇقىقتانۋشى عالىمدارى، زاڭ عىلىمدارىنىڭ دوكتورى، پروفەسسورلارى ءوز قورىتىندىلارىن ۇسىندى:

    -اماندىقوۆا ساۋلە كوشكەنقىزى، ل.ن.گۋميلەۆ اتىناعى ەۋرازيا ۇلتتىق ۋنيۆەرسيتەتى زاڭ فاكۋلتەتىنىڭ دەكانى;

    -ۋدارتسەۆ سەرگەي فەدوروۆيچ، قازگزۋ قۇقىقتىق ساياسات، كونستيتۋتسيالىق زاڭناما جانە مەملەكەتتىك باسقارۋ ماسەلەلەرى بويىنشا عىلىمي-زەرتتەۋ جوبالارىنىڭ جەتەكشىسى;

    -كوبەەۆ ەركىن قينايات ۇلى، قۇقىقتىق زەرتتەۋلەر جانە مەملەكەتتانۋ ينستيتۋتىنىڭ ديرەكتورى;

    وتىرىس قاتىسۋشىلارىنىڭ تالقىلاۋى مەن جاۋاپتارىنان سوڭ كونستيتۋتسيالىق كەڭەس قۇرامى كەڭەسۋگە كەتتى.

    بۇعان دەيىن كەڭەس ەلباسىنىڭ ۇندەۋىن قاراستىراتىنى بەلگىلى بولعان. قازاقستان پرەزيدەنتىنىڭ سۇراعىنا وبەكتيۆتى جانە جان-جاقتى جاۋاپ بەرۋ ءۇشىن عالىمداردى تارتىلماق.

    ال بىرنەشە كۇن بۇرىن نۇرسۇلتان نازارباەۆ ءوزىنىڭ ۇندەۋىنە تۇسىنىكتەمە بەرگەن ەدى. مەملەكەت باسشىسىنىڭ ايتۋىنشا، ول ءار ءتۇرلى نيۋانستار بويىنشا كەڭەستەن 20 رەتتەن استام تۇسىنىكتەمە سۇراعان.

    ال ەلباسى مەرزىمىنەن بۇرىن سايلاۋ مۇمكىندىگىنە قاتىستى سۇراقتار تۋىنداسا، كونستيتۋتسيانى وقۋ قاجەتتىگىن، وندا بارلىق ۇدەرىستەر مەن مەرزىمدەر جازىلعانىن ايتتى.

     

    پىكىر جازۋ

    پوچتا جاريالانبايدى. تاڭداۋلى ءورىستى تولتىرىڭىز *

    *

    x

    Check Also

    قىتايدى قورشاعان اقش اسكەري بازالارى: اقش-تىڭ قىتايدى بولشەكتەۋ جوسپارى بولعان با؟

     سوڭعى جىلدارى اقش پەن قىتاي ەكونوميكا، قورعانىس سىندى ەڭ نەگىزگى سالالاردا باسەكەلەسە باستادى. قۇراما شتات ...