• Қазақ
  •   
  • Qazaq
  •   
  • قازاق
  •   
    Home » Aıdarlar » Qoǵam » Ferdaýsı mektebinde oramal tartylmaıdy

    Ferdaýsı mektebinde oramal tartylmaıdy

    Túrkistan oblysy, Maqtaaral aýdany, «Jańa jol» aýyldyq okrýgi, Fırdaýsı eldi mekenindegi A.Ferdaýsı jalpy orta mektebindegi jaǵdaı turaqty qalypqa tústi.
    A.Ferdaýsı atyndaǵy jalpy orta mektepte 700 oqýshy bilim alsa, sonyń 371-i qyz balasy. Olardyń barlyǵy derlik mektepke dinı atrıbýttyq belgileri bar formamen kelip júrgen. Júıeli jumystyń nátıjesinde 4 qyrkúıek kúni bastaýysh synypta oqıtyn (1-4 synyptar) qyz balalardyń barlyǵy talapqa sáıkes formaǵa kóshti. Al, joǵary synypta oqıtyn qyz balalardyń 165-i birińǵaı mektep formasyn saqtap, sabaqqa qatysyp otyr. Sondaı-aq, mektep formasyn saqtamaǵan 60 qyz balamen mamandar jumys júrgizýde.
    Orta bilim berý uıymdary úshin mindetti mektep formasyna qoıylatyn talaptardy bekitý týraly QR Bilim jəne ǵylym mınıstriniń 2016 jylǵy 14 qańtardaǵy №26 buıryǵyn saqtaý týraly túsindirý jumystary turaqty túrde júrgizilgen.
    Máseleni sheshý úshin aýdan ákimdigi jáne oblystyq bilim, ishki saıasat, otbasy, balalar jáne jastar isi jónindegi basqarmalarynyń qatysýymen arnaıy jumysshy top qurylyp, naqty is-shara jospary bekitildi. Toptyń quramyna oblystyq deńgeıdegi quqyq qorǵaý organdarynyń qyzmetkerleri de qosyldy. A.Ferdaýsı atyndaǵy jalpy orta mektepte 3 qyrkúıekten bastap birińǵaı mektep formasyn saqtamaǵan oqýshylarǵa bilim uıasyna kirýge tıym salyndy. Sondaı-aq, 3 kún boıy mektepten qalǵan oqýshylardyń ata-analaryna aıyppul salý sharalary jasalyndy.
    Narazylyq tanytqan aýyl turǵyndaryna jumysshy toptyń músheleri túsindirý jumystaryn jan-jaqty júrgizdi. Memlekettik organdar men dinı birlestik mamandary da ata-analar qaýymy, aýyl bıleri jəne zııaly qaýym ókilderimen birneshe jıyndar ótkizip, zaıyrly memlekettiń bilim uıalaryndaǵy ortaq standarttardy saqtaý talaby túsindirildi. Arnaıy barǵan 40 psıholog maman muǵalimdermen jáne oqýshylardyń árbirimen jumys istep, zaıyrly eldegi eń basty qundylyq – memleket zańyna baǵyný ekenin aıtty. Stresske qarsy jáne onyń aldyn alý boıynsha túsindirý jumystarymen trenıngter ótýde. Búginde oblystyq bilim basqarmasy men jergilikti ákimdik tarapynan áleýmettik jospar jasalyndy. Qyrkúıektiń 7-nen bastap oqýshylar sporttyq jáne mádenı is-sharalarǵa qatysady.
    Aıta keteıik, jańa oqý jyly qarsańynda A.Ferdaýsı atyndaǵy jalpy orta mektep ǵımaratynyń ashylý saltanaty ótti. Bıyl respýblıkalyq bıýdjetten 600 oryndy bilim uıasyna 1 mlrd. 350 mıllıon teńge bólinip, sońǵy úlgidegi oqý orny salyndy.

    Túrkistan oblystyq Bilim Basqarmasy

    Leave a Reply

    x

    Check Also

    Baltabek Nurǵalıev prezıdenttiń qyzyna da óleń arnady

    Esterińizde sala keteıik, 2018 jylǵy ádebıet jáne óner salasyndaǵy memlekettik syılyqtyń birin QR pezıdentiniń qyzy ...