• Қазақ
  •   
  • Qazaq
  •   
  • قازاق
  •   
    Home » Aıdarlar » О́ner » Jazýshylardyń daýkestigi sýretshilerge juqty

    Jazýshylardyń daýkestigi sýretshilerge juqty

    Almatyda Sýretshiler odaǵynyń on segizinshi quryltaıy ótip, jańa tóraǵa saılandy. Qarasha aıynda ótýi tıis odaq basshysynyń saılaýy shyǵarmashylyq ortada janjal týyndaǵannan keıin sáýirge qaldyrylǵan bolatyn. Búgin sol kezde óz kandıdatýrasyn usynǵan sýretshiler quryltaıǵa qatysa almaı, esiktiń syrtynda qaldy. Qylqalamshylar ǵana emes, tipti bizdiń tilshilerimizdiń ózderi jabyq esik jaǵdaıynda ótken saılaýǵa ázer aıaq basty.    

    Ishki búliktiń syrtqa shyǵyp ketetininen qoryqty ma, áıteýir búgin Sýretshiler odaǵy esikterin tars jaýyp alyp, bizdi quryltaıǵa jarty saǵat boıy kirgizbeı, daýlasyp turdy. Tizimde tek memlekettik BAQ bar, al sizderdi eshkim shaqyrǵan joq, -dep ákireńdeı jóneldi.

    Odaq tóraǵasynyń saılaýy ótip jatqan quryltaıǵa biz ǵana emes, taǵy birneshe sýretshi jiberilmedi. Esikke kúzet qoıylyp, eńgezerdeı jigitter adamdardy bir-birlep qana kirgizip, qaraýyldap tur. Beıbit óner adamdarynyń emes, qarýly kúshterdiń jınalysy ispetti.

    Onyń ózindik sebebi barǵa uqsaıdy. Sýretshilerdiń klan-klanǵa bólinip, tóraǵalyqqa talasqany bylaı tursyn, odaqqa tıesili múlik kimniń qarabasyna buıyrady degen suraq óner adamdarynyń tynyshtyǵyn buzǵanǵa uqsaıdy.

    JANARBEK BERISTENOV, sýretshi:

    – Bizde qazir Rysqulovada 75 sottyq terrıtorııamyz bar, masterskoılarymyzben, Muqanova-Qabanbaıda 72 masterskoıymyz bar, áli dokýmentaııa jasalmaǵan, Qojamqulovta masterskoıymyz bar, Panfılova-Áıteke bıde úlken bas ǵımaratymyz bar. Endi bular sonyń barlyǵyn jekeshelendirýge daıyndalyp jatyr. Sonyń men qaǵazdarynyń bárin bilemin, sodan keıin bulardyń barlyǵy menen qorqyp tur.

    Saılaý zańdy ótpedi degender óńirlerden kelgen ár sýretshi oblystaǵy 15 sýretshiniń atynan daýys berip jatyr, -dep shaǵymdanýda. Al odaq músheleri ár sýretshiniń jolaqysyn tóleý bizdiń qaltamyzǵa salmaq, -dep otyr.

    JAMBYL NÁTBAEV, sýretshiler odaǵynyń múshesi:

    – Biz onyń jolaqysyn tóleýimiz kerek. Ony shyǵaryp salamyz, qonaq úıi bar degendeı da. Eger ózderiń aqshasyn tólep kelseńizder, on besiń de kel, myńyń da kel eshkim-eshkimge qarsy emes.

    Dese de bul daý saılaýmen aıaqtalmaıtyn sııaqty. Sebebi qylqalam sheberleri Prezıdent atyna ashyq hat joldap, bul iske aralasýyn surap otyr.

    ___________________________________________________________________________________________________________________________

    Janar Joltaeva, Danııar Júsipov

    31.kz

    Pikir jazý

    Pochta jarııalanbaıdy. Tańdaýly óristi toltyryńyz *

    *

    x

    Check Also

    Erlan Tóleýtaı: Jyl tańdaýy degenshe qul tańdaýy deseńshi!

    Júregim aýyryp, janym kúızelip otyr. “Habar” arnasynan jańa ǵana “Jyl tańdaýy – 2018″ degen saıqymazaq”konert” ...