• Қазақ
  •   
  • Qazaq
  •   
  • قازاق
  •   
    Home » Aıdarlar » Ádebıet » Joǵary jaq portfel bólisip, tómengi jaq nan bólisip jatyr

    Joǵary jaq portfel bólisip, tómengi jaq nan bólisip jatyr

    Joǵary jaq portfel bólisip, tómengi jaq nan bólisip jatyr. Qashanǵa deıin?..

    ⠀ ⠀⠀ ⠀. *
    Jylaǵym kelgen. Jas taba almadym.
    ⠀⠀ ⠀⠀⠀ ⠀⠀ ⠀⠀ ⠀⠀ ⠀⠀ ⠀⠀ ⠀⠀⠀
    ⠀ ⠀⠀ ⠀⠀⠀ ⠀⠀ *
    Aqsha da adamdy araq sııaqty mas qylady eken. Qazaqstanda osyndaı «mastar» tym kóbeıip ketti. Qoldaryna túsip qalýdan birtúrli qorqasyń.
    ⠀ ⠀⠀ ⠀⠀⠀ ⠀⠀ ⠀⠀ ⠀⠀ ⠀⠀ ⠀⠀ ⠀
    ⠀ ⠀⠀ ⠀⠀⠀ ⠀⠀ ⠀*
    – Shúkir, bizdiń tuqymnan baqsy men aqyn shyqqan joq, – dep bir kókemiz maqtanyp turdy.
    ⠀ ⠀⠀ ⠀⠀⠀ ⠀⠀. *
    Az halyqtyń serkesi bolǵannan, kóp halyqtyń erkesi bolǵan jaqsy eken ǵoı.
    ⠀ ⠀⠀ ⠀⠀⠀ ⠀⠀ ⠀⠀ ⠀⠀ ⠀⠀ ⠀⠀ ⠀⠀⠀⠀
    ⠀ ⠀⠀ ⠀⠀⠀ ⠀⠀ *
    Halyqty joqshylyq emes, toqshylyq qurtady. Azdyrady. Bul – erte dúnıe tarıhynan málim qubylys.

    ⠀ ⠀⠀ ⠀⠀⠀ ⠀⠀ *
    Bir jaryq juldyz týsa, mindetti túrde qarsy juldyz týady. Bul aspan áleminde dáleldengen shyndyq. Osy qarsylyqty ómirde de kóp kórdim.

    *
    Talǵamsyz kóp tobyr úshin jaza almaı qoıdym. Al olar men súıgen bıiktikke kóterile alar emes. Eki ortada aýasyz bos vakýým jatty. Birimizdiń daýsymyzdy ekinshimiz estı almadyq. Sonda sanaýly top úshin ǵana qalam ustaımyn ba?!

    ⠀ ⠀⠀ ⠀⠀⠀ ⠀ *
    Bir baqyt maǵan da kele jatqan shyǵar dep jol boıynda uzaq tostym. Jolamaı qoıdy. Meni Batyrash pen Qotyrash dep oılaıdy-aý deımin.

    ⠀ ⠀⠀ ⠀⠀⠀ ⠀⠀ *
    Aman-saýlyq surasqan bir tanysqa: «Júrip jatyrmyz, ýaqytsha», – dep em. Shoshyp ketti.
    – Qalaısha ýaqytsha? – dep.
    Oǵan ne aıtýǵa bolady?

    ⠀ ⠀⠀ ⠀⠀⠀ ⠀⠀ *
    Tańerteń aınaǵa qaraımyn. Betinde ıt tirliktiń izi qalǵan bir shal turady. Basymdy alyp qashamyn. Barlyq jas dáýren aınanyń arǵy jaǵynda qalǵan sııaqty.

    ⠀ ⠀⠀ ⠀⠀⠀ ⠀⠀ *
    Abaı atam «Qartaıdyq, qaıǵy oıladyq, ulǵaıdy arman» dep qyryq jastan óte bere jazypty. Naǵyz qaıraty tasqan kez ǵoı. Nege olaı aıtty dep kóp oılandym. Aqyry ózinen jasy úlken Dilda sheshemizdi alǵan soń kóńili qartaıyp qalǵan shyǵar dep sheshtim.
    ⠀ ⠀⠀ ⠀⠀⠀ ⠀⠀ ⠀⠀ ⠀⠀ ⠀⠀ ⠀⠀ ⠀⠀⠀⠀
    ⠀ ⠀⠀ ⠀⠀⠀ ⠀⠀ *
    Toı-topyrda jastarǵa jurt sııaqty «Baqytty bolyńdar» dep tilek aıtamyn. Baqyttyń ne ekenin shyndap kelgende ózim de bilmeımin. Bálkim, bizdiń jaqta joq zat shyǵar?!

    ⠀ ⠀⠀ ⠀⠀⠀ ⠀⠀*
    Mahambettiń basyn shaýyp jibergende jerge domalap, «Qap, qap, qap!» dep sóılep bara jatty desedi. Alqulym shaqta bizdiń aýzymyzǵa qandaı sóz iliner eken?

    ⠀ ⠀⠀ ⠀⠀⠀ ⠀⠀*
    «Aqyryn tile» desetin burynǵy shaldar. Allekem aljytpaı alsa eken.
    Molda dem salyp, janymyzda medet tilep jáýdirep otyrǵan urpaǵymyzǵa tirlikte jasaǵan kiná men kúnámizdi tizip aıtyp, masqara bolmasaq jarar…

    ⠀ ⠀⠀ ⠀⠀⠀ ⠀ *
    Teńiz de kirleıdi. Aıdyn betin shóp-shalam, synǵan aǵash, ólgen balyq pen qus, tógilgen munaı qaldyǵy basady. Kúnderdiń kúninde daýyl kóteriledi. Tolqyn bitken arystan jaldanyp ókirip-baqyryp jaǵalaýǵa umtylady. Álgi kir-qoqystyń bárin ákelip adamdardyń ózine laqtyrady. Tazaryp baryp tynym tabady. Sosyn báz-baıaǵy qalpynda jarqyraıdy da jatady.
    Bizdiń qoǵam da tap osyndaı tazarýdy kútip tur.
    ⠀ ⠀⠀ ⠀⠀⠀ ⠀ *
    Bir top úırek bir kóldi tastap, dúr etip kóterilip, ekinshi kólge qaraı ushyp barady deıdi. Jolaı suńqar kezigip suraıdy: «Qaıda bet aldyńdar?» – dep. Sonda úırekter: «Qurysyn, myna kól sasyp ketti. Ana kól taza, soǵan baramyz», – desedi. Suńqar aıtty deıdi: «Myna kótenderiń aman bolsa ony da sasytarsyńdar», – dep.
    Oblystan oblysqa, mınıstrlikten mınıstrlikke ushyp-qonyp túk bitirmeı júrgen bireýlerdi kórsem ylǵı da osy ápsana esime túsedi.

    Rahymjan Otarbaev

    Pikir jazý

    Pochta jarııalanbaıdy. Tańdaýly óristi toltyryńyz *

    *

    x

    Check Also

    «О́geı balanyń» muńǵa oranǵan taǵdyry

    Djeıms Grınvýd – áıgili brıtandyq jazýshy, mamandyǵy – jýrnalıst. Qarapaıym otbasynan shyqqan Grınvýd birneshe keremet ...