• Қазақ
  •   
  • Qazaq
  •   
  • قازاق
  •   
    Home » Айдарлар » Алаш ұлдары » АЛАШ ҮКІМЕТІНІҢ ҚАЗЫНАШЫСЫ

    АЛАШ ҮКІМЕТІНІҢ ҚАЗЫНАШЫСЫ

     

    (Жалғасы)

    Ұрпақтан-ұрпаққа жалғасып келе жатқан тектіліктің тамырына үңілсек, шежіре деректері бойынша Әнет баба Абай атамыздың алтыншы атасы Әйтекпен бір туысады. Әнет бабадан Шақа, Шақадан – Тәуке, Тәукеден – Шегір, одан Қожабай, Молдабай, Тәкі туады. Қожабайдан –  Сүндетбай, Үмбетбай, Әнияр  туған. Әниярдың Сапарғали есімді ұлы болған. 1910 жылдары ол баласын Кәкітайдың қызына үйлендірген. Сапарғалидан Мұхаметғали атты немере сүйген. Әниярдың ағасы Сүндетбайдан Қалаубек пен Исламбек туған. Исламбектен Самат, Сағынтай, Мақсұт және Нұржамал есімді балалар тарайды. Нұржамалды Кішкене күнінен Әнияр өз бауырына басып, атақты Абай атамыздың атасы Өскенбайдың Жақыбынан туған Ақберді қажының Ұсатайының ұлы Жұматайға ұзатады. Ақберді мен Сүндетбай балалары елге сыйлы болған. Ақбердінің балалары Қисатай мен Өміртай судья болып Семей уезінің Шыңғыс болысында қызмет жасаған, ал Исламбек алқа би болып сайланған. Исламбек Кеңес үкіметінің қуғынына түсіп, бала-шағасы да елден кетуге мәжбүр болады. Исламбектің бір баласы Мақсұтты Әнияр өз атына жаздырып, мектепке беріп аман сақтап қалған. Исламбектің тағы бір баласы Самат Сүндетбаев өзінің талабымен оқу оқып, еңбекпен көтеріліп, кейін Кеңес Одағының дипломатиялық корпусының өкілі, Йемен Араб Республикасындағы елшіліктің екінші хатшысы болған танымал дипломат болды. Әниярдың тәрбиесінде өскен Мақсұт кейін Қарауылға оралып, дүкен-шеберхана ұстаған, ауылда техника тілін жетік білетін бірден-бір адам болған. Мақсұт балаларының тегі Әнияровтар бабаларының атын сақтап, игі істерін ұрпақтан-ұрпаққа жалғап келеді.

    img_1606

    Суретте: отырғандар, сол жақтан оңға қарай Әнияр ата, тұрғандар сол жақтан оңға қарай Күләш Сапарғалиқызы, Мұхаметқали Сапарғалиұлы, аты-жөні белгісіз, Сапарғали Әниярұлы.

    img_1608

    Исламбек Сүндетбайұлы

    img_1610

    Әнияров Мақсұт Исламбекұлы

    img_1611

    Сүндетбаев Самат Исламбекұлы

    img_1612

    Молдабаева Нұржамал Әниярқызы

    img_1613

    Самат пен Мақсұт Исламбекұлдары

    Қарауыл ауылы, 1963 жыл

    img_1614

    Нұржамал Аниярқызы жұбайы Ақбердин Жұматаймен

    img_1615

    Самат Исламбекұлының анасы Қайныш апа, Исламбек немересі Серік Мақсұтұлы, Әнияров Мақсұт Исламбекұлы

    img_1619

    Әнияров Нұрхан Мақсұтұлы

    img_1620

    Әнияров Дархан Мақсұтұлы


    Ардақ Беркімбай

    Leave a Reply

    x

    Check Also

    “Алаш танымы” клубы Сәкен Сейфуллин мұражайына барды

    Бүгін Алаштың ардақтысы – сұңқар Сәкеннің дүние есігін ашқан күні. Осы атаулы күнге орай Еуразия ...