• Қазақ
  •   
  • Qazaq
  •   
  • قازاق
  •   
    Home » ايدارلار » ادىرناما » ەل-جۇرت بي-اعانىڭ ەسىمىن تاڭدادى!

    ەل-جۇرت بي-اعانىڭ ەسىمىن تاڭدادى!

      جاقىندا قوستاناي وبلىسىنداعى تاران اۋدانىنىڭ اتى بەيىمبەت مايلين اتىنا وزگەرتىلدى. ەندى اۋدان قىزىل يمپەريانىڭ قولشوقپارى ل.تاران اتىمەن ەمەس، قازاقتىڭ كورنەكتى جازۋشىسى، قازاق ادەبيەتىنىڭ قازىعىن قاققان قالامگەرلەردىڭ ءبىرى، اقىن، دراماتۋرگ بەيىمبەت ءمايليننىڭ ەسىمىمەن اتالادى.  

      وسىعان وراي الماتى كوپسالالى كوللەدجىندە ارنايى كەزدەسۋ ءوتتى. وعان جازۋشىنىڭ ۇرپاعى سالتانات مايلينا، بەيىمبەتتانۋشى-عالىم جۇمابەك تابىن، كوللەدج ديرەكتورىنىڭ ورىنباسارى جاڭىل ءنۇسىپجانوۆا جانە ستۋدەنتەر قاتىستى.

      العاشقى ءسوز تىزگىنى تيگەن جۇمابەك تابىن مىرزا ايتۋلى وقيعانى بەيىمبەت ءمايليننىڭ 125 جىلدىق مەرەيتويى قارساڭىندا جاسالىپ وتىرعان سىي-قۇرمەت دەپ باعالادى. «30-قىركۇيەك – مەن ءۇشىن ۇلى كۇن. ويتكەنى ءبىزدىڭ نەشە جىلعا سوزىلعان ەڭبەگىمىز وسى كۇنى جەمىسىن بەردى. قوعامدىق كوميسسيا مۇشەلەرى اۋداننىڭ اتى بەيىمبەت ءمايليننىڭ ەسىمىمەن اتالۋىن ءبىر اۋىزدان قولدادى. ءتىپتى قالىس قالعان ادام جوق»، – دەدى ول.  

      جيىندا سالتانات مايلينا جازۋشىنىڭ باسقا دا ۇرپاقتارى تۋرالى اڭگىمەلەدى، سونداي-اق ول اتاسىنىڭ مۇرالارىن ناسيحاتتاۋ ماقساتىندا ب.مايلين اتىنداعى قور جۇمىس ىستەپ جاتقانىن ايتتى.

      كەزدەسۋ قوناقتارى بولاشاق جوسپارلارىمەن دە ءبولىستى. ولار الداعى ۋاقىتتا جازۋشىنىڭ شىعارماسىمەن اتتاس «شۇعانىڭ بەلگىسى» اتتى ەسكەرتكىش ورناتۋدى جوسپارلاپ جۇرگەندەرىن جەتكىزدى. شۇعا بۇكىلقازاق ايەلدەرىنىڭ سيمۆولى بولعانى سياقتى، بۇل ەسكەرتكىش تە بۇكىل قازاق ايەلدەرىنىڭ بەينەسىن اشىپ كورسەتەتىن جادىگەر بولماق. ەگەر ەسكەرتكىش تۇرعىزىلىپ جاتسا، ونىڭ تومەنگى اينالا دوڭەس جاقتاۋلارىنا ب.ءمايليننىڭ اتاقتى شىعارمالارىنىڭ اتتارى جەكە-جەكە جازىلادى.

      ءوز كەزەگىندە ستۋدەنتتەر قوناقتارعا كوكەيتەستى ساۋالدارىن قويدى. «ب.ءمايليننىڭ كەيىپكەرلەرى شىنايى ومىردەن الىنعان با؟» دەگەن سۇراققا جۇمابەك تابىن «ءيا، بي-اعانىڭ كەيىپكەرلەرىنىڭ 80 پايىزى شىنايى ومىردەگى ادامدار. ازامات ازاماتىچ، كۇلپاش، مىرقىمباي بارلىعى سول زاماننىڭ تيپتىك كەيىپكەرلەرى» دەپ جاۋاپ بەردى. ول سونىمەن قاتار بەيىمبەت ءمايليندى قازاق كينودراماتۋرگياسىنىڭ نەگىزىن قالاۋشى دەپ اتادى. «قازاقستان تاريحىنداعى تۇڭعىش فيلم – «امانكەلدىنىڭ» كينوتۋىندىسىنىڭ ستسەناريىن جازۋ ءۇشىن، تورعاي دالاسىندا 4-5 اي زەرتتەۋ جۇرگىزدى. ءتىپتى كينودا بي-اعانىڭ بالالارى دا وينادى. بىراق ەڭ قاسىرەتتىسى الماتى قالاسىندا «امانكەلدى» ءفيلمى كورسەتىلەتىن تۋرالى افيشالار جاريالانعان كۇنى كەشكە كەڭەس وكىمەتىنىڭ جانالعىشتارى بەيىمبەت ءمايليندى ۇستاپ الىپ كەتەدى. ال ءفيلمنىڭ تيترىنەن بي-اعانىڭ اتى-ءجونى الىنىپ تاستالدى»، – دەيدى ج.تابىن.

      كەزدەسۋ سوڭىندا قوناقتارعا 20-عاسىردىڭ باسىنداعى الاش زيالىلارىنىڭ 400-دەن اسا فوتوسۋرەتتەرى توپتاستىرىلعان «الاشوردا» البومى سىيعا تارتىلدى.

      ايتا كەتەيىك، ءىس-شارانى الماتى قالاسى ىشكى ساياسات باسقارماسىنىڭ «تاريحتان تاعىلىم» جوباسى اياسىندا «ادىرنا» ۇلتتىق-ەتنوگرافيالىق بىرلەستىگى ۇيىمداستىردى.

    ب.مولداحمەت، 

    “ادىرنا” ۇلتتىق پورتالى

    Leave a Reply

    x

    Check Also

    جايىقتىڭ ۇزدىك جاستارى انىقتالدى

    21 قاراشا كۇنى ح.بوكەەۆا اتىنداعى باتىس قازاقستان وبلىستىق دراما تەاترىندا «ازاماتتىق باستامالاردى قولداۋ ورتالىعى» مەن ...