Qazaqstanda zeınetaqy kóbeıdi: Halyq qandaı pikirde?

5449

Qazaqstandaǵy ortasha zeınetaqy mólsheri bes jyldyń ishinde 56,3 myń teńgeden 100 myń teńgege deıin ósti. Eńbek jáne halyqty áleýmettik qorǵaý mınıstrliginiń málimetinshe, 1 maýsymdaǵy derek boıynsha ortasha zeınetaqy mólsheri 100 018 teńgege jetti. Jalpy zeınetaqy - 68 934 teńge bolsa, bazalyq zeınetaqy - 31 084 teńge.

Salystyrmaly málimet keltirsek:

- 2016 jylǵy 1 maýsym boıynsha - 56 329 teńge (jalpy - 44 364, bazalyq - 11 965 teńge);

- 2017 jylǵy 1 maýsym boıynsha - 59 554 teńge (jalpy - 46 752, bazalyq - 12 802 teńge);

- 2018 jylǵy 1 maýsym boıynsha - 70 765 teńge (jalpy - 55 491, bazalyq - 15 274 teńge);

- 2019 jylǵy 1 maýsym boıynsha - 85 785 teńge (jalpy - 58 784, bazalyq - 27 001 teńge);

- 2020 jylǵy 1 maýsym boıynsha - 99 314 teńge (jalpy - 68 362, bazalyq - 30 952 teńge).

Sonymen qatar bes jyldyń ishinde teńgeniń kýrsy da álsiredi. Ulttyq banktiń esebi boıynsha sońǵy bes jylda teńgeniń kýrsy 24,6%-ǵa tómendegen.

"Zeınetaqynyń eń az mólsheri - 61 796 teńge. Al eń kóp mólsheri - 134 939 teńgeni quraıdy", - dep málimdedi mınıstrlik.

Mınıstrlik sońǵy bes jyl ishinde zeınetaqy mólsheriniń qanshalyqty óskenin ıfrlardy sóıletip dáleldep otyr. Bul týraly halyqtyń qandaı pikirde ekenin "Adyrna" ulttyq portalynyń tilshisi surap bildi.

"Zeınetaqy kóterildi dep bári jarysyp jazyp jatyr. Sol kótergen ústemaqyǵa sáıkes búkil taýardyń baǵasy da kóterilýde. Taýar baǵasynyń ósýin toqtatý kerek nemese barlyq salyqty alyp tastaý kerek. Sonda ǵana bul kótergen aqynyń qunyn kóre alamyz", - deıdi Serjan atty facebook qoldanýshysy.

Al Aıjan esimdi jeli qoldanýshysy halyqtyń osy aqshaǵa qanaǵat etkeni durys degen pikirin aıtty.

"Zeınetaqynyń qosylǵany durys boldy-aý. Degenmen azyq-túlik baǵasy ushyp tur. Alaıda "qanaǵat qaryn toıǵyzady" demeı me?! Berilgen aqy berekeli bolsyn", - deıdi ol.

Budan bólek jeli qoldanýshylary zeınetaqy mólsheriniń óskenine qatysty óz oılaryn bildirdi. Sonyń ishinde:

"Bul eshqandaı zeınetaqyǵa qosylǵan aqsha emes, ınflıaııaǵa baılanysty qosylǵan aqsha. Jyl saıyn aqshany kóbeıttik degennen, naqty baǵany ustap tursa, halyqtyń jaǵdaıy durystalar ma edi?!", - degen pikir bildirdi Baǵıla.

Aqmaral BEREKET,

"Adyrna" ulttyq portaly

(foto azattyq-ruhy saıtynan)

Pikirler
Redakııa tańdaýy